توأم سيلين ديون

شجون الهاجري new look

شجون بالميك اب ونيولوك ببرنامج ابشر

فرّحتنا يالازرق

والله وسواها الموج الازرق... ياب العاشر

كفو ... كفو ... كفو
هذا الكاس يلمع ... والعيون تدمع

هدية زين

وانا افتح النت بعد انتهاء الشوط الثاني طلع لي ...

مادري صج والا دعاية... بس استبشرت خير وانا قاعدة على اعصابي
ان شاء الله الكاس لنا ( اقول بقلبي ومع القول الاول للازرق )
شكرا زين ... شكرا يالازرق

وين رايحين!!!

جمهور ندوة السعدون داس الجويهل وهتف: مات... مات... مات ( المصدر )

لاحول ولا قوة الا بالله
ولو كنت مو من مؤيديه بس ماتوصل لي هالدرجة
الله يستر ياكويت من عيالج

puzzle

من احلى هواياتي تركيب الـ puzzle استانس بالتركيب كل ماكثرت القطع واصغرت
بس صارلي مدة ما مارست هالهواية لاني مولاقية العدد اللي يكسر الرقم
وصلت لي 12000 قطعة ومالقيت اكثر...
كنت اشتريهم قبل من المثنى ... محل متخصص بداعوس مادري اذا للحين موجود او لا
لان السالفة من قبل 10 سنين او اكثر :)
احد يعرف وين اقدر اشتري هالسوالف حتى لو من النت ... بس ابي مواقع مضمونة

black friday

عندهم سيل على اشياء تسوى .. لو يسوونه عندنا على خماجير وستوكات
ياحظهم اللي هناك بهالفترة :)
جمعة مباركة

قلوبنا معاك يالازرق

كل التوفيق لازرقنا والفوز فاله ... الله معاه

لبيك اللهم لبيك

استودعكم الله الذي لاتضيع ودائعه
تبدأ رحلتي من يوم غد الى الديار المقدسة لاداء مناسك الحج
راجية من الله ان يتقبلها مني ومن جميع الحجاج بقبول حسن
سامحوني وحللوني ,,, اشوفكم على خير

مواقف مع الديلفري

ساعات لما نطلب من مطعم ديلفري ... تصير لنا مواقف يمكن بوقتها نعصب بس مع الايام نضحك عليها
وعندي اكثر من موقف صارلنا...
مرة طلبنا فطاير وتاخر علينا ولما دقينا عالمطعم والا مسوي حادث... الله يكافينا الشر

ومرة طلبنا من مطعم صبز  وتاخر علينا فوق الساعة ولما دقينا عالمطعم
قالنا عشر دقايق ويوصل ...ولي يومكم ماوصل ( السالفة من 4 شهوور او اكثر)

ومرة طلبنا سلة فواكه عطيته العنوان ولما تاخر دقيت عليه وقالي وصل عندكم من شوي وسلم الطلب
 اثاريه موصل لناس غلط... والمشكله دافعة له مقدم وسوالي سلة يديدة ووصلها لي بسرعة فااائقة
بس مادري شصار على السلة الاولى...

هذا اللي اذكره ...انتوا شنو مواقفكم

Published with Blogger-droid v1.6.3

Mc Donalds - I Was Lovin It

كنت احبه


دعاية قوية في امريكا ... ضد ماكدونالدز



وانا بعد كنت احبه ... بس موعلشان الدعاية .. لاني تسممت منه

lbazaar

من المواقع الحلوة اللي اتابعها ... تتابع اخر التطورات والاخبار المتنوعة
بس عيبها كلها بالانقلش ... ويفتر راسي على ما اقرا موضوع لاني مو صاروخ بالعنقريزي

الموقع : http://lbazaar.com/

البووووك

البووووك وما ادراك ماالبوك
نظرتي للبوك انه كل ما انتفخ يعنى صاحبه مفلس :)
ياااكثر ماندعس فيه اوراق الكي نت والفواتير والكروت والبطاقات المهمة وساعات الغير مهمة!
هذا غير الباجي اللي ينرد لنا ندعسه بفوضوية داخل البوك
لما يصرخ البوك فاج حلجة ويقول ارحميني بطنى متفوخ :(
تالي افكر ارتب الفئات الورقية والمعدنية كل بمكانه واشيل الاوراق اللي ما ابيها...


انتوا مثلي !!!

نوت : ترى هذا موبوكي لقيته طايح بقوقل  P:

sale ... Eden Salon & Spa‏

احب اصباغ الاظافر بس مادري نحصل الالوان الحلوة والا خلصت!

back 2 school.

كل التوفيق لعيال الكويت .... مع بداية العام الدراسي الجديد

العطلة طولت واااايد الله يعينهم على قومة الصبح عقب الربادة

اهداااء لكم....

آخر صرعات ليدي غاغا

في حفلة توزيع جوائز "إم تي في" كانت الليدي غاغا وكعادتها بلبسها المثير للجدل بس هالمرة فستان من اللحم النيء، وأثار اشمئزاز العديد ممن شاهدوه.

استغفر الله احس الريحة شايلة المكان :(

رمضانيات

الحمدلله خلص رمضان وماحسينا فيه... خفيف
الله يعوده علينا اعواما عديدة وازمنة مديدة
ومعروف هالشهر التلفزيون طافح بالمسلسلات والبرامج المتنوعة

شنو حبيتوا منها ... ابي رايكم

احلى مسلسل

احلى مقدمة غنائية لمسلسل
احلى برنامج ديني
احلى برنامج مسابقات

بداية...وشمعة

بسم الله ابتدي مدونتي...
 وهي عبارة عن تناتيف من هني وهناك وان شاء الله استمر فيها لان كل يوم لي هبّة
يمكن اكتب كل يوم ويمكن اغيب شهور ... الله كريم
وتاريخ بداية مدونتي بنفس تاريخ ميلادي علشان تمشي الذكرى معاي...
اتمنى التواصل وتعجبكم مدونتي